好耐都無打xanga lu .... 睇返之前果一篇...都已經成年前..... 自己開始變成一個好有性格既人...... 我鍾意既朋友...我可以日日見都唔厭... 我會咩都同佢地講.....咩都會同佢地傾.... 我唔介意比人話煩...因為我重視你地..... 但係我對我唔鍾意既人可以做得好絕..... 唔好話我衰...唔好話我賤...我個人就係咁.... 鍾意邊個..唔鍾意邊個...會可以係我塊面道睇得出來....唔知既..可以留意下... 近排不段聽到好多人談論我.....談論內容大概係花心...口花....爛浦...鍾意玩..濫交..等等.... 聽到我真係好唔開心....困擾左我好耐.... 真係唔明點解個個都係咁話我.... 我性格係多野講....唔怕羞...厚面皮.... 我雖然多野講...但係唔代表我就係花心囉....我係一個唔講野會死既人黎.... 無可否認...我身邊的而且確係好多女性朋友...但係咁唔代表我對個個都有興趣.... 我覺得識多個朋友唔係壞事....所以我真係好鍾意識朋友.... 如果我真係鍾意果個女仔...我真係會對佢好好....並唔係用朋友果套黎對自己鍾意既人囉... 因為我覺得佢係獨特的..唔想對佢唔公平... 識得我耐既朋友一定會知...我係一個好專一既人....我唔鍾意既或者感覺唔太大既 我都唔會同佢一齊...而且更加唔會講出口....因為我唔想大家辛苦..... 當然...我鍾意既人..佢唔鍾意我...我都唔會勉強佢.... 因為很早我已經清楚明白...勉強是得不到幸福和開心的... 如果我真係花心.....而家就唔會無女朋友啦..... 我唔同其他男人...見女就溝....呢d唔岩我.... 同我做朋友其實唔難....做到我好朋友就真係好難..... 因為我唔係一個咁容易就咩都同人講既人... 暫時黎講....係我心目中只有幾個令我信得過既朋友.... 最近情緒有小小波動....因為太多不如意既事情發生喇... 致於返工方面....其實已經開始厭倦而家既工作....日日都係對住d玩具....真係有d悶... 如果唔係而家搵工咁難...相信我都早已經唔做了....不過..無辦法啦..頂硬上... 返工有時會比同事人身攻擊.....言語上其實我覺得真係有d過份.... 佢地成日話我矮....話我追唔到女仔.......雖然佢地既立場黎講係同我講笑... 但係你地無諗過我聽到我有咩感受....我矮...你估我想嫁咩....屋企人唔高... 我都無辦法...不過比人笑左咁多年...都習慣了....只好啞著唔出聲..就算了.... 其實我唔係追唔到女仔...只不過係想唔想去追遮..... 要追實會追到....但係我唔想去追d我唔鍾意既女仔....因為...唔鍾意就係唔鍾意...我明嫁.... 最近對一個人有點意思.......但係我知道她對我沒有興趣.....所以都選擇放棄了.... 明明看見別人很在意自己...但是原來自己想錯了....但是我卻很在意她做每一件事... 到底我在做什麼.....??我很迷網......有誰能令我走出這個迷網....?? 今日我對我的朋友說....我很空虛......可是他並沒有理會我..... 但是我真的覺得自己很空虛....好像得個殼...沒有靈魂...什麼都不想做.... 我都唔知點解會咁.....講完.... 希望你們明白我而家諗緊咩.... 我唔想再將呢d野埋係心入面....但我又唔識講...只好用文字打出來啦... 希望你們睇完會了解我多d.... | 
